Уроки математики / Статья / Математика пәнінен оқушыларды ҰБТ-ға дайындаудың тиімді әдістері мен тәсілдерінің бірі – деңгейлеп оқыту технологиясы

Математика пәнінен оқушыларды ҰБТ-ға дайындаудың тиімді әдістері мен тәсілдерінің бірі – деңгейлеп оқыту технологиясы

ӘОЖ 004:37.02

Математика пәнінен оқушыларды ҰБТ-ға дайындаудың тиімді әдістері мен тәсілдерінің бірі – деңгейлеп оқыту технологиясы

Э.М.Ибраева
Астана қаласы

63 мектеп-гимназия

Бұл мақалада математика пәнінен оқушыларды ҰБТ-ға дайындаудың тиімді жолы қарастырылған.

В данной статье рассмотрены эффективные пути подготовки детей к ЕНТ по математике.

In this article are considered effective ways of training of children to UNT on mathematics.

Оқыту жүйесі, сапа, технология, мұғалім, оқушы, сабақ, математика, саралап оқыту, тест, есеп, ҰБТ, оқушы, деңгейлік тапсырма.

Ұлттық бірыңғай тест – бiлiм сапасының басты көрсеткiшi. Мектептiң дамуы оқушыны сапалы бiлiмдi, жан-жақты дамыған және ұлтаралық проблемаларды шешуге дайын жеке тұлға болады деп күтiледi. Ал саналы бiлiм беру тiкелей оқыту сапасын арттыруға байланысты болғандықтан, мұғалiмнiң кәсiби деңгейiн, бiлiктiлiгiн арттыру басты назарда. Өйткенi, бiлiмдi ұрпақ – бiлiмдi ұстаздардан, бiлiктi маманнан [3].

Бүгінгі таңда, балалардың қабілеттерін жоғарғы деңгейде қанағаттандыратындай білім беру, көптеген өркениетті елдерде саралап оқыту принципінің негізінде одан әрі дамытылуда. Ол Франция, Америка, Германия, Англия, Жапония т.б. елдердің білім беру жүйесінде қазір жоғарғы деңгейде жүргізілуде. Қоғамымыздың қазіргі даму кезеңі мектептегі білім беру жүйесінің алдына оқыту үрдісін технологияландыру мәселесін қойып отыр [1].
Қазіргі оқыту жүйесіндегі жаңаша мазмұн - жас ұрпақтың әлемдік сапа деңгейіндегі білім, білік негіздерін меңгеруінің басты нысаны. Тұлғаға бағытталған білім оның жан-жақты дамуына ықпал етеді. Сондықтан қазіргі таңдағы педагогика жаңалықтарын саралап, пән ерекшелігіне қарай қолдана білсек, ұтарымыз көп. Өйткені жеке тұлғаға бағытталған білімнің бүгінде нәтижесіз болмайтындығы тәжірибе жүзінде дәлелденгені анық. Нәтижеге бағытталған білім бүгінгі заман талабы, қажеттіліктің қайнар көзі болса, нәтижеге жету жолында іздену әрбір мұғалімнің азаматтық борышы.

Ж.А.Қараевтың “Деңгейлеп саралап оқыту технологиясын” өз тәжірибемде жиі әрі тиімді пайдаланып келемін. Сабақта, жалпы мектепте оқушыларға ыңғайлы және жайлы жағдай жасалу қажет, сонда ғана оқудан жақсы нәтиже шығады, ол тұлға ретінде жан-жақты дамитын болады.
Деңгейлеп саралап оқыту технологиясының негізгі ерекшелігі - оқушыларға берілетін тапсырмалардың деңгейлерге бөлінуі және олардың меңгерген білімі мен іскерліктеріне қойылатын талаптардың, яғни материалды меңгерудің төменгі жеткілікті шегін қамтитын міндетті дайындық шегі анықталады. Бұл деңгей - барлық оқушылардың шамасы жететін деңгей. Осы деңгейдің негізінде курсты меңгерудің жоғары деңгейлері қалыптасады. Оқушылар бір сыныпта бір бағдарлама бойынша білім ала отырып, өз қабілеттеріне, қызығушылығына сай деңгейді таңдауға мүмкіндік алады.

Деңгейлік тапсырмаларға математика пәнінен ҰБТ-ға дайындық үшін келесідей талаптар қойылады:

  1. Жаттап алуға лайықталған болуы керек;

  2. Алдыңғы сабақта жаңадан меңгерілген білімнің өңін өзгертпей қайталап пысықтауына мүмкіндік беруі тиіс;

  3. Тапсырмалар жаңа тақырып үшін типті және өмірмен байланысты болуы керек;

  4. Өтіп кеткен материалдарды реттеуге және жүйелеуге берілген тапсырмалардың болуы; қажет;

  5. Оқушының ойлау қабілетін жетілдіруге берілетін тапсырмалар ұсыну керек;

  6. Танымдық – іздену қажет;

  7. Әртүрлі әдіс-тәсілдермен шешілетін есептер болу керек.

Оқушы өз бетінше есеп шығарғанда мынадай қиындықтарға кездеседі :
1) Берілген есептің қандай тақырыппен байланысты екендігін анықтай алмау.
2) Дәлелдеуге берілетін есептерде қандай аксиомаға, теоремаға сүйенетінін білмеу.
3) Есеп шығаруда тиімді тәсілді таңдай алмау.
4) Есеп шартын құра алмау.

Оқушының біліміндегі ақаулар оқушыны берілген есепті ойдағыдай шеше алу қабілетінен айырады. Бұдан барып оқушының математикаға деген қызығушылығы жойылады.

Сондықтан, оқушыға өз бетінше орындауға тапсырма бергенде алдын –ала нұсқаулар беріп, қажетті анықтама материалдарды қандай әдебиеттен алуға болатындығын көрсетіп отырған дұрыс.
Сонымен қатар, өз бетінше есеп шығару оқушының оқулықпен қосымша әдебиеттерді өздігінен оқып үйренуіне жол ашады, еңбек сүйгіштікке, табандылыққа тәрбиелейді.
Деңгейлеп оқытудың негізгі пайдасы: Барлық оқушының бағалануына және «2» бағасының болмауын қамтамасыз етеді.

Деңгейлік тапсырма оқушының рухани қиындыққа ұшырауын болдырмайды. Деңгейлік тапсырма бергенде мен оқушыларды ешқашан үш топқа бөлмеймін, тапсырманы барлығына толық беремін. Оқушылардың деңгейіне қарай біреуі – 2, 3, 4, 5, қабілеттері 6-7 тапсырма орындайды. Бағалану да сәйкес жүреді: «3», «4», «5». Деңгейлік тапсырмалар арқылы оқытудың тиімділігі мынада [2]:

  1. Өтілген материалды толық меңгереді, өйткені сабақ сайын қайталанып, пысықталынып отырады.

  2. Тақырыпқа байланысты оқулықта берілген тапсырмалар толығымен орындалады.

  3. Оқушы өзін-өзі тексереді, өзінің жіберген қателерін біліп отырады.

  4. Талдау жұмыстарын үнемі жүргізіп отырады. Талдаудың барлық түрінде сабақ сайын қайталап отырады.

  5. Білім сапасы әр сабақ сайын тексеріліп отырады, алған білімдерінің нәтижесі айқын көрініп тұрады.

  6. Ойлау қабілетін арттыратын тапсырмалар орындайды.

7. Техникалық құралдарды жиі пайдаланады. (Компьютер, интерактивті тақта).
Ж.А.Қараевтың “Деңгейлеп саралап оқыту технологиясын ” тиімді пайдалануда оқушының білімге деген құштарлығы, ынтасы артқанын, еркін сауатты сөйлеуге, өз ойын жинақтап ашық айтуға немесе дәлелдеуге, ұсыныс, пікір білдіруге, ой қорытуға дағдыланатын байқау қиын емес.

Сонымен қатар математика пәнінен ҰБТ –ге дайындық кезінде жиі қиындық туғызатын мәселе - оқушылардың формулаларды жаттамауы мен еске сақтай алмағандары, мәтінді есептерді шығаруда есепті талдай алмау жағдайлары кездеседі. Қосымша сабақтарда қайталау тест тапсырмаларын орындамас бұрын үнемі формулаларды дайын слайттар арқылы қайталау мен дәлелдеуден бастау керек.
Қорытындылай айтқанда, мектептің жақсы материалдық базасын пайдаланып шығармашылықпен жұмыс жасайтын педагогикалық ұжым болса, оқушылардың білімді қажеттілік есебінде тиянақты меңгеруіне жетуге болады. Шәкіртіміздің білімін шыңдау, қабілетті, дарынды тұлға дайындау - біздің алдағы жауапкершілікті міндетіміздің бірі болып табылады. Сондықтан, барлықтарыңыздың жұмыстарыңызға тек қана табыс тілеймін!

Пайдаланылған әдебиеттер:

  1. Монахов В.М. Педагогическая технология проектирования учебного процесса.- М., 1996 г

  2. Қараев Ж.А. Деңгейлеп оқыту педагогикалық технологиясы. А., 2002 ж.

3.«Математика» журналдары     2012 ж.

Автор
Дата добавления 21.02.2017
Раздел Высшая математика
Подраздел Статья
Просмотров788
Номер материала 2882
Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.