Координаталық жазықтық. координатасы бойынша нүктені салу

Күні: 03.03.2017ж

Пәні : математика

Сыныбы: 6 «в», 6 «д»

Сабақтың тақырыбы: Координаталық жазықтық. Координаталары бойынша нүктені салу.

Мақсаты :

Білімділік мақсаты: Координаталық жазықтық. Координаталар бойынша нүктені сала білуге, берілген нүктелердің координаталарын табу біліктіліктерін пысықтау

Дамытушылық мақсаты: Әрбір жеке тұлғаның логикалық ой- өрісін, есте сақтау, сызбамен жұмыс істеу қабілеттерін және шығармашылық даму мүмкіндігіне жағдай жасау

Тәрбиелік мақсаты: Оқушылардың өз ойын ашық айтуға, өз бетімен жұмыс жасауға, ұйымшылдыққа, нәтиже алуға баулу

Күтілетін нәтиже: Білімді көтеру, дұрыс шешім қабылдау, ұқыпты болу.

Сабақтың типі: жаңа сабақты меңгерту

Қолданылатын әдіс- тәсілдер: Репродуктивті, ішінара ізденушілік,топтық, жұптық жұмыс, сұрақ- жауап.

Көрнекілік құралдар: сызба салынған плакат, үлестірме материалдар, магниттер, слайдтар.

Сабақтың барысы:

І.Ұйымдастыру кезеңі.

1. Сәлемдесу, оқушылардың сабаққа дайындығын тексеру

2. Оқушылардың назарын сабаққа аудару.

ІІ. Үй тапсырмасын тексеру. №1164,1166.

ІІІ. Өткен сабақты бекіту. Сұрақ-жауап.

ІV. Есептер шығару.

№1168. Координаталық жазықтықта М(-2;-3); N(2;4); K(-3;4);L(3;1) ұштарының координаталары бойынша кесінді сызып, олардың қиылысу нүктесінің координаталарын табыңдар.

№1170.

1) В (х; 3) және А (-2; 1) нүктелері абсциссалар осіне жүргізілген перпендикуляр түзуде жатыр. х-ті табыңдар.

2) D (-2; у) және С (3; 2) нүктелері ординаталар осіне перпендикуляр түзуде жатыр. у-ті табыңдар.

№1173.

1) Координаталық жазықтықта абсциссасы 2-ге тең кез келген үш нүкте белгілеңдер. Оларды координаталарымен жазыңдар.

2) Координаталық жазықтықта ординатасы 4-ке тең кез келген үш нүкте белгілеңдер. Оларды координаталарымен жазыңдар.

V. Жаңа сабақты бекіту. «Бірлесіп көтерген жүк жеңіл»

Үш топқа нүктелердің координаталары беріліп, сурет салады. Шыққан суретті үш тілде айту керек.

( үй, дом, house, қарындаш,карандаш, pencil, сөмке немесе дорба, сумка, bag)

І топ (3;2) (3;-2) (-4;-2) (-4;2) (-1;5) (3;2) (1;1) (1;-1) (-2;-1) (-2;1)

ІІ топ (-3;3) (-3;1) (-6;2) (-3;3) (5;3) (5;1) (5;2) (-3;2)

ІІІ топ (-1;2) (1;6) (2;6) (4;2) (4;-2) (-1;-2) (-1;2) (1;0) (2;0) (4;2)