Математика және біз сыныптан тыс шара

8 – сыныпқа арналған «Математика және біз» атты математикалық ойын.

Мақсаты: оқушылардың алған білімдерін жинақтау және жүйелендіру, сапасын байқау; оқушылардың белсенділіктерін көтермелеу, шапшаң ойын жинақтап, білімін практикада пайдалана білуді дамыту; топпен жұмыстануды үйрету.

Сайыстың жоспары: 1. Командалардың өз – өзін таныстыру 2. Блиц сұрақтар 3. « Математика мақал – мәтелде» 4. Суретшілер сайысы. 5. Үй тапсырмасы. 6. Көркемөнерпаз сайысы.

Армысыздар оқушылар! Сіздерге сәттілік тілей отырып бүгінгі сайысымызды бастайық.Іске сәт!

І – сайыс: командалардың өз – өзін таныстыруы ( 5-балдық жүйемен бағаланады.)

ІІ – сайыс: Блиц сұрақтар ( 5-балдық жүйемен бағаланады.)

І топқа: Мектепке келе жатқан 5 балаға қарсы жолда тағы 4 бала жолықты. Мектепке неше бала барды? Екі адам 4 сағат шахмат ойнады. Олардың әрқайсысы неше сағат ойнады? Үшбұрыштардың ішкі бұрыштарының қосындысы неге тең? Төрт пен бестің арасында қандай таңба қойылғанда 4-тен артық, 5-тен кем сан шығады? Әсем поездың баснан санағанда 7-вагонға, марина поездың соңынан есептегенде 7-вагонға отырды.Сонда қыздар бір вагонда кездесті. Поезда неше вагон?

ІІ топқа: Қатар тұрған 3 санның қосындысы да, көбейтіндісі де 6-ға тең. Бұл қандай сандар? Санның жүзден бір бөлігі? Жанұяда 2 ұл және әр ұлдың 2 әпкесі, 1 әкесі бар. Әр қыздың бір анасы бар. Жанұяда барлығы неше адам бар? 2 мен 3 –тің арасында қандай таңба қойғанда 2-ден үлкен, 3-тен кіші сан шығады? Бұрышты қақ бөлетін сәуле.

ІІІ – сайыс: « Математика мақал - мәтелде» 1 балдық жүйемен бағаланады.

І топқа: Бір тал кессең, ... Алтау ала болса, ауыздағы кетеді,... Досыңды үш күн сынама, ... Отыз тістен шыққан сөз, ... Білгенің бір тоғыз, ...

ІІ топқа: Екі жақсы қас болмас, ... Бір кісі қазған құдықтан,... Ұлға отыз үйден ... Білекті бірді жығады, ... Бес бармақ жиылса, ...

ІY – сайыс: « Суретшілер сайысы» әр сурет 5 балдық жүйемен бағаланады. «Әр қолға – өз ісі». Бір мезгілде оң қолмен шеңбер, ал сол қолымен үшбұрыш салу қажет. Цифрладан кісінің суретін салу керек. Аңғарымдық сайысы. 30-ға дейінгі санды, 3 санына бөлінетін және 3 цифры кездесетін санның орнына « Мен емес» деген сөзді айтып, жылдам санап шығу

Y – сайыс: « Үй тапсырмасы» 5 балл. YI – сайыс: « Көркемөнерпаз сайысы» 5 балл.

Назарларыңызға рахмет.