Шаршы және оның қасиеттері ашық сабақ

Сабақтыңтақырыбы: Шаршы (квадрат) және оның қасиеттері.

Сабақтың мақсаты:

Білімділігі:оқушыларғашаршы жайында толық түсінік бере отырып, геометриялық фигураларды ажырата білуге баулу, есепті әр түрлі тәсілмен шығаруға қалыптастыру, шаршының барлық қабырғалары тең деген терминді енгізу.

Дамытушылығы:ой-өрісін, танымдық қабілеттерін, логикалық ойлауын, зейінін, есте сақтауын дамыту, пәнге деген қызығушылығын жәнеб елсенділігін арттыру.

Тәрбиелілігі: бірлікке, ынтымаққа тәрбиелеу.

Сабақтың түрі: Жаңа сабақ

Сабақтың әдіс-тәсілдері: сұрақ-жауап, түсіндіру.

Сабақтың көрнекілігі: семантикалық карта, венн диаграмма

Психологиялық дайындық

Ойға толы санамыз,

Бестік баға аламыз.

Баласындай бір үйдің ,

Тату болсын арамыз.

Топқа бөлу: Ромб, параллелограмм, тіктөртбұрыш.

Кубизм әдісі бойынша сұрақтар беріліп, төртбұрыштар тақырыбын қайталау.

І топ:

1. тіктөртбұрыш дегеніміз не?

2. Тіктөртбұрыштың қасиеттері қандай?

3. Тіктөртбұрыштың бұрыштары қандай?

4. тіктөртбұрштың периметрі неге тең?

ІІ топ:

1. параллелограмм дегеніміз не?

2. параллелограмның қасиеттері қандай?

3. параллелограммның бұрыштары қандай?

4. параллелограмның периметрі неге тең?

ІІІ топ:

1. ромб дегеніміз не?

2. ромбының қасиеттері қандай?

3. ромбының бұрыштары қандай?

4. ромбының периметрі неге тең?

Жаңа сабақ:

Анықтама: барлық қабырғалары тең тіктөртбұрыш шаршы (квадрат) деп аталады.

Шаршының барлық бқрыштары тік болады. Шаршының диагональдары қиылысады және қиылысу нүктесінде қақ бөлінеді және перпендикуляр болады.

Р = 4*a;

a = Р:4

№52

Бір қабырғасы 7,5 см-ге тең квадраттың периметрі неге тең?

№53

Шаршының периметрі 3,2 см. Қабырғасы неге тең?

№54

Перимерті 24 см-ге тең шаршының қаырғасы неге тең?

№55

Қабырғасы 5,5 см-ге тең шаршының периметрі неге тең?

№56

Шаршының периметрі 64 дм болса, онда қабырғасы неге тең?

№57

Қабырғасы 9,2 см болса, периметрі неге тең?

Қайталау есептері:

1. Параллелограмның бір қабырғасы екіншісінен 12 см ге ұзын. Егер оның периметрі 220 см болса, параллелограмм қабырғалары неге тең?

2. ромбының периметрі 88 см, ал бір бұрышы 120⁰ – қа тең. Ромбының кіші диагоналі неге тең?

3. Тіктөртбұрыштың 5 см-ге тең кіші қабырғасы оның диагоналімен 60⁰ бұрыш жасайды.

Тіктөртбұрыш диагоналінің ұзындығын табыңыз.

2.Семантикалық карта. «+» пен «-» таңбаларын қойып, кестені толтырады.

3.Венн диаграммасы» толтыру

1. тік төртбұрыш пен шаршы

2. параллелограмм мен шаршы

3. ромб мен шаршы.

4.Бағалау. смайликтер арқылы.

1. топтағы қорытынды жауаптар

2. семантикалық карта

3. Венн диаграммасы

Үйге тапсырма: Тік төртбұрыш пен параллелограмм